Ikinasa ng Land Transportation Franchising and Regulatory Board (LTFRB) ang isang malawakang kampanya laban sa gender-based sexual harassment na nararanasan sa mga pampublikong lugar at sasakyan.
Kasunod ito nang paglagda ni LTFRB Chairman Teofilo Guadiz sa Memorandum Circular No. 2023-016 na siyang tumutugon laban sa karahasan sa mga pampublikong sasakyan, alinsunod sa Republic Act No. 11313 o ang Safe Space Act.
Ayon kay Guadiz, hindi lamang sa piling lugar nararapat isulong ang kampanya laban sa karahasan kundi maging sa lahat ng uri ng pampublikong sasakyan.
Nakasaad din sa memorandum ang pagbabawal sa pagmumura, catcalling, wolf-whistling, at iba pang misogynistic, transphobic, homophobic, o sexist na pahayag sa mga pampasaherong sasakyan.
Ayon sa LTFRB, may katapat na kaparusahan ang sinumang lalabag sa naturang memorandum.
