Davao City – Gipakusgan sa Department of Agriculture Region XI ang kampanya kontra African Swine Fever (ASF) sa Davao City.
Sumala ni DA-XI ASF Focal Dra Armie Capuyan dili angay magkumpyansa bisan pa man walay mga reported cases dinhi sa dakbayan.
Matud ni Capuyan hugot nga gipatuman ang ban sa pag import og mga karneng baboy sa mga 20 ka mga nasud nga adunay kaso sa African Swine Fever: Russia, Ukraine, Czech Republic, Moldova, South Africa, Zambia, Hungrary, Bulgaria, Belgium, Lalvia, Poland, Romania, China, Mongolia, Vietnam, Cambodia, Hongkong, North Korea, Lao PDR, Slovakia.
Giawhag ni Committee on Agriculture chair Councilor Ralph Abella ang katawhan sa Davao nga dili maglangan nga mudangop sa City Veterenarian’s Office o Department of Agriculture kung aduna silay mamatikdang senyales sa Africal Swine Fever.
Samtang aron malikayang makasulod kini sa dakbayan gipahimangnuan ni Felimon Santander sa Davao City Backyard Swine Raisers Association President ang tanang mga gabuhig mga baboy nga likayan usa ang pagpakaon og lamaw.
Subay niini sumala sa Department of Agriculture XI wala pa usab rason nga i-lockdown ang dakbayan kontra sa ASF.
RadyoMaN Aimee Guinita
