Davao City – Nagpadayon ang koordinasyon sa kapulisan ug militar sa syudad sa kampanya batok terorismo.
Sumala ni Task Force Davao (TFD) commander Col. Nolasco Mempin, nagpadayon usab ang ilang mga training alang sa epektibong kampanya alang sa mga terorista diin usa na niini ang ipahigayong simulation exercise aron masukod ang ilang kaabtik ug pagtubag kung dunay matigayong pagpangatake sa mga terorista.
Giingon pa ni Mempin usa sa ginahimo usab nila karon mao ang pagpahigayon ug mga pagpasabot sa mga sibilyan pinaagi sa mga eksperto kabahin sa terorismo. Apil sa ginahisgutan sa gilusad nga mga dayalogo ang unsaon paglikay aron dili marecruit sa mga terorista
Gipasabot usab ni Mempin kabahin sa plano karon ni Pres. Rodrigo Duterte nga armasan ang mga ROTC graduates, matud niya andam sila mosunod kung unsay mando sa commander-in-chief apan katapusan na nila kining remedyo.
RadyoMaN Bernard Pantallon
