Sumala ni Health Secretary Ted Herbosa, gitutukan sa DOH ang road crash sa nasud, diin matud pa nga sagad sa biktima kay kabataan. Subay sa talaan sa World Health Organization (WHO), sagad rason sa kamatayon sa kabataan o young adults nag-edad og 5-29 anyos mao ang road traffic injuries.
Sa tuig 2022, natala sa Philippine Statistics Authority (PSA), ang 12, 241 ka ihap sa mga namatay sa road crash.
Base sa gihimong pagtuon ni Herbosa isip usa ka surgeon sa nasod, sulod sa 10 ka tuig nga datos, 25.6 % ang ginasaka sa maong kaso matag tuig ug 72% niini mga lalaki diin sagad nahitabo matag gabii.
Nagpahinumdum si Herbosa, ang road crashes mamahimong malikayan, busa ang road safety usa ka malahutayong adbokasiya alang sa tanan aron makunhuran ang maong insidente.
RadyoMan Kareen Beltran
