Davao City – Gibarugan sa kampo ni Former President Rodrigo Duterte nga wala sila’y tulubagon sa mikatag nga video ni Pres. Bongbong Marcos Jr. nga giingong naghithit og druga ayha paman ang iyahang State of the Nation Address (SONA) gahapon July 22, 2024.
Sa pamahayag nga gipagula sa Hakbang ng Maisug, gibutyag sa kanhi pangulo nga matuldukan lamang kini nga isyu kung mupailawom si PBBM sa drug test.
Samtang naglusad dayon gahapon sa hapon og press briefing ang DILG/PNP ug didto gipresenta ni Sec. Benhur Abalos ang mga hulagway nga tinuod sa presidente ug gikumpara sa maong video ug gipamatud-an nila nga kini edited ug fake lamang.
Giawhag sa DILG ang PNP nga magbuhat og taskforce kauban ang ICT aron maimbestigahan ug masulbad gilayon ang maong kontrobersiya nga ilang gituohang destabilization plot batok sa Marcos Administration. Ug gipaniguradong manubag ang responsable sa pagpakatag sa maong video.
RadyoMaN Ivy Parido
Facebook Comments
