Kampo ni Ptr. Quiboloy andam atubangon ang kasong sex trafficking

83

Davao City – Gibarogan sa kampo ni Kingdom of Jesus Christ (KJC) Pastor Apollo Quiboloy nga inosente ang religious leader sa reklamo labot sa sex trafficking sa kasong gipasang-at sa Department of Justice sa Estados Unidos batok kang Quiboloy ug sa duha pa ka United States (US)-based administrators sa simbahan.

Matud sa US prosecutors, ginapugos matud pa sa religious leader ang mga kababayen-an ug kabataan nga nag-edad og 12-25 anyos nga makighilawas kaniya bugti ang ilang espiritwal nga kaluwasan.

Sa opisyal nga pamahayag ni Atty. Marie Dinah Tolentino-Fuentes, KJC Legal Counsel kagahapong adlawa (November 19, 2021), giluwatan sa simbahan nga pagpangdaut lamang sa religious leader ang maong alegasyon ug kini dili makatarog sa ilang kongregasyon kauban ang ilang minilyon nga followers.


Gikabutyag usab nga ang mga nag-akusa kang Quiboloy karon sa California, mao usab ang mga indibidwal nga nalambigit sa kaso niini sa Hawaii sa milabay nga tuig, 2020.

“With the growing ministry and followers of the Kingdom comes also the growing opposition who are trying their best to destroy it and all the Kingdom leaders. While jealousy and evil will never stop, we strongly believe that good always triumphs over evil. The people who accused him today in California, are the same dissidents who miserably failed in their attempt to bring Pastor Quiboloy into the case in Hawaii. That case has been dismissed,” tipik sa pamahayag.

Dugang sa KJC Legal Counsel, andam ang simbahan nga tubagon ang maong alegasyon. Nagtuo usab ang sekta nga mupatigbabaw ang kamatuoran ug hustisya.



“We are confident and ready to face whatever is hurled against Pastor Quiboloy and the Kingdom leaders. We trust the process of justice and we certainly expect the truth to prevail, and the Kingdom ministry will continue to prosper,” dugang sa KJC Legal Counsel.

RadyoMaN Kirby Manzon


Facebook Comments