Gipalibotan na sa militar kaganinang kadlawon ang lugar nga gihimong kampo sa Maute-IS sa kabukirang bahin sa Sultan Dumalondong, Lanao del Sur.
Kini human ang halos 24 oras nga engkwentro, tali sa puwersa sa gobyerno ug sa mga terorista sa pagpanguna ni Owayda Benito Marohombsar, alyas Abu Dar.
Apan sumala ni Col. Romeo Brawner, Jr., commander sa 103rd Infantry Brigade, Philippine Army, wala nay naabtan ang tropa human nga nag-withdraw na ang maong mga terorista.
Gisugdan na usab sa Armed Forces ang air strike sa mga lugar nga posibleng gitagoan sa mga kaaway.
Base sa ilang intelligence unit tulo sa mga kaaway ang namatay sa maong engkwentro apan padayon pa kining gi beripika.
Facebook Comments
