Kan-anan sud sa SM City Cebu, nasunog

Gialarma nga nasunog ang usa ka restaurant nga nahimutang sa Northwing sa SM City Cebu sa Barangay Mabolo sa dakbayan sa Sugbu .

Ang Bureau of Fire Protection sa Cebu City unang nakadawat sa alarma ala 1:23 sa hapon ug nidiklarar nga under control pagka ala 1:56 sa hapon .

Matud ni Fire Chief Inspector Noel Ababon sa Cebu City BFP, ang naapektohan sa sunog mao ang La Mesa Grill .


Daling gipabakwit ang mga customer sa North Wing ug gisirhan usab dayon ang mga sinehan sud sa mall tungod sa aso .

Padayong gisusi sa BFP ang hinungdan sa sunog nga nakamugna ug partial damage sa
kan-anan apil na ang bana-bana nga danyos niini .

Facebook Comments