Kandidato Sa Pagka-Mayor Ug Duha Ka Kaubanan, Sikop Sa Tampilisan

11

DIPOLOG CITY – nabalhog na sa selda sa tampilisan ang kandidato pagka mayor sa lungsod sa tampilisan ning lalawigan sa zamboanga del norte kalakip ang duha niini ka kauban human kini nasikop gumikan sa nahitabong pinusilay tali sa kapulisan sa nasangpit ng a lungsod batok sa mga ginsakpan ni kandidatong pagka mayor nga si Alson Chan nga nisangko sa pagkamatay sa usa ka sakop sa kapulisan.Natigayon ang nasangpit nga pinusilay niadtong mi-aging adlaw sa may alas jes ang takna sa gabie.Sumala pa sa kapulisan nga nakadawat sila ug taho nga adunay boto-boto nga nabati sa usa ka pension house sa brgy. Camul sa nasangpit nga lungsod nga maoy gihimong kampo sa kandidato.Sa paghidangat sa kapulisan, didto natigayonan ang pagsinukliay ug bala sa duha ka bando.Aksedenting naigo sa bala ang mismong team leader sa 1st Maneuvering Platooon sa Regional Public Safety Battalion (RPSB-9) nga si S/Insp. Mirdan Usama.Daling gidala sa balay tambalanan ang biktima apan gibawian kini sa hinulamang kinabuhi.Daling nagpatuman ug hot pursuit operation ang kapulisan sa pakig alayon sa kasundalohan hinungdan nga nasikop ang kandidatong si Chan ug duha ka kauban.Kahibaloan nga si Chan kandidato pagka mayor ubos sa Partidong APP ubos sa pagdumala sa pamilyanh Jalosjos batok kang Tampilisan incumbent municipal Mayor Angeles Carloto sa Liberal party.Padayon pang gigukod sa kapulisa nang uban pang mga kauban nga nakatakas sa hitabo.-JOEY J. SAJOL/RMN DIPOLOG

Facebook Comments