Sa pakighinabi sa DXDC RMN Davao kang Association of Barangay Captains (ABC) ug Barangay 5-A Kapitan Edgar Ibuyan Sr., iyang gisulti nga nabatasan na sa mga kandidato nga manghatag og mga butang ilabi na sa pagpangampanya, apan kinahanglang sila magiyahan sa palisiya nga ginapatuman aron sila dili mag-atubang og silot.
“Dili nato maiwasan nang ingon ana manghatag (og paraphernalia). Depende na sa kandidto kung naa gyud nay paglapas, ilaha na nga aksyonan. Manubag gyud dapat kay ilaha man nang police, guidelines nato,” sulti ni Ibuyan.
Nasayrang gibawal sa COMELEC ang pagpanghatag og baller, sinina, payong ug uban pang paraphernalia nga adunay pangalan ug logo sa kandidato sa umaabot nga BSKE 2023 diin kini makonsiderang vote-buying.
RadyoMaN Kirby Manzon
