Davao City – Hugot nga ginamonitor karon sa Eastern Mindanao Command (Eastmincom) ang mga political candidates kinsa alegasyong nagahatag og suporta sa New People’s Army.
Sa interbyu kang Eastmincom spokesperson Lt. Col. Ezra Balagtey, nakig koordinar sila sa intelligence officers aron masuta kung aduna bay nagabayad og ‘permit to campaign’ ingon man ‘permit to win’ sa mga ‘red areas’ subay sa May 13 election.
Saysay ni Balagtey nga sa pagkakaron wala pa silay namonitor nga nagabuhat sa susamang alegasyon.
“I have to talk with the intelligence natin kasi wala pa akong natatanggap na information as far as Eastmincom is concern,” segun niini.
Gikanayon sa maong tigpamaba nga ang tumong sa Eastmincom mao ang kaluwasan ug gawasnon nga makapagboto ang mga botante sa ilang napili nga kandidato.
“Kung ano man yung mga information na ma-receive natin we’ll be coordinating it with the proper authority for proper action,” saysay niini.
Kahinumdoman nga gikumpirma sa Armed Forces of the Philippines (AFP) nga aduna na silay listahan sa giingong mga politiko nga matud pa konektado sa New People’s Army (NPA) diin kini padayon pa nilang ginavalidate.
RadyoMaN Jason Amisola
