Kanhi CdeO Archbishop Tuquib, namatay sa edad nga 89

Namatay na si kanhi Cagayan de Oro Archbishop Emeritus Jesus Balaso Tuquib sa edad nga 89 mga alas 5:35 kagahapon sa hapon sa Maria Reyna Hospital.

Nasayran nga si Archbishop Tuquib nagsilbing arsobispo sa Archdiocese sa Cagayan de Oro gikan sa tuig 1988 hangtud 2006.

Si Archbishop Tuquib natawo niadtong Hunyo 27, 1930 sa Clarin, Bohol.

Gipulihan ni Archbishop Tuquib si Archbishop Patrick Cronin sa tuig 1988.

Nasayran nga si Archbishop Tuquib niretiro sa tuig 2006 ug gihulipan ni Archbishop Antonio Ledesma.