Dapitan City-Gikagubtan karon sa katawhan dinhi sa probinsya sa Zamboanga del norte lakip na sa social media human migawas ang hulagway ni Kanhi Dipolog Mayor Evelyn T. Uy nga nagpa rehistro didto sa Comelec-Dapitay City aron mo balhin ug residensiya sa maong dakbayan.
Dako ang katingala sa pipila ka mga lumolupyo dinhi sa dakbayan sa Dipolog ug bisan paman didto sa dakbayan sa Dapitan tungod kay si Kanhi Mayor Evelyn Uy dinhi man kini nanimuyo sa dakbayan sa Dipolog uban sa iyang pamilya ug kapikas nga si Gob. Berto UY.
Kung kahinumduman nahimong mayor si Evelyn Uy dinhi sa dipolog sulod sa tulo ka termino ug daghanan ngta mga kausaban ang nakita sukad milingkod ang pamilyang Uy ug karon gipulihan sa iyang anak nga si Mayor Darel Uy.
Pipila ka bulan ang milabay migawas ang balita nga si Evelyn Uy mo sulod sa dakbayan sa Dapitan ug didto na mo puyo matod pa tungod kay aduna sab sila’y napalit nga residensiya, gawas sa maong pag balhin pag puyo gidungog usab nga magpapili kini matod pa pagka mayor sa Dapitan City karong umaabot 2019 midterm election, ug gikumpirma mismo ni Provincial Information Officer Praxides Rubia nga molansar kini pagka mayor si Evelyn kay matod pa daghan nga mga katawhan sa Dapitan naghangyo para sa kausaban.
Human nga nahimong mayor si Evelyn Uy dinhi sa Dipolog city, daghan sab kini ug nahimo nga kalambuan sa nahisgutan nga dakbayan ug kini na unya ang dad-on sa multi awarded lider sa maong dakbayan.
Kini karon ang giatangan sa katawhan sa dakbayan sa Dapitan kun aduna ba’y kamatuoran nga magpapili kini pagka mayor karong umaabot eleksyon.
Kagahapon pormal na kining nagparehistro sa comelec-Dapitan pinaagi ni Election Asst. II Eng. Maricel A. Peralta.
Miani usab ug lain-laing reaksyon adunay negatibo ang reaksyon ug aduna sab nalipay kun ugaling magpapili ug mayor si Evelyn UY sa dakbayan sa Dapitan kay kun palaran maglabad gayod ang ulo sa pamilyang Jalosjos matod pa sa pipila ka mga supporters sa pamilyang Uy.
