Lain-laing anggulo tag-imbestigahan nan PNP Del Carmen ,Siargao Island sa pagpusil-patay kan kanhi Judge Exequiel Dagala mga alas 12:20 kaganinang kaadlawon. Sumaya pa sa Chief of Police Capt. Nira Brito Perocho, 3 ka layaki an misuyod sa panimayay nan kanhi Judge. Didto suyod sa kuwarto kaiban an anak na layaki ni Dagala taghimo an pagpamusil. Dead on the Spot an kanhi huwes ug miikyas dajon an mga suspek sakay nan kolor puti na Van. An isa sa mga anggulo na tag-imbestigahan an personal na kasuko sa mga nagreklamo sa alegasyon sa pagpanumbag ug pagpabuto nan armas ni Dagala lakip an pagkalambigit sa pangayan niini adton 2016 sa Narco Watchlist ni Pres. Rodrigo Duterte. Nahibaw an isab sa RMN Surigao na an anak ni Dagala an samaran isab sa panghitabo og jaun kuman sa ospital padajon na tag obserbaran.(RadyoMaN Jojo Ferol)
