Kanhi kapitan, guilty sa 2 counts of rape

26

Mapriso sa iyang tibuok kinabuhi si kanhi Pagatpat Barangay Kapitan Achilles Babaran human nakit-ang sad-an sa kasong  pagpanglugos sa duha ka ihap.

 

Kini basi sa 50 ka pahinang desisyon nga gipakanaog ni Judge Jose Escobido sa Regional Trial court Branch 37  kagahapon sa buntag.

 

Lakip sa silot nga gipahamtang ni Judge Escobido nga si Babaran gipagbayad pa ngadto sa pamilya sa biktima sa Exemplary  Damages, Moral Damages  ug Civil Indemnity sa kantidad nga dili mominos 450-thousand pesos.

 

Matud sa hukom ni Judge Escobido, si Babaran maoy naglugos sa duha ka higayon sa  usa ka  15 anyos nga   batang  babayeng youth leader sa Barangay Pagatpat sa duha ka higayon niadtong June 19 ug September 22, 2015.

 

Niadtong July 10, 2016 ang biktimang menor de edad mipasakag kasong rape batok ni Babaran sa City Prosecutors office apan sa pagka  July 12,  2016 ang nasangpit nga biktima nakit-ang patay sulod sa Comfort Room sa Usa ka hotel sa Barangay Lapasan ning syudad.

Facebook Comments