Kanhi kapitan sa Brgy.Tejero Cebu City, nakaluwas sa ambush, suspek sa ambush nga usa ka polis napatay

Nakalingkawas sa kamatayon ang kanhi kapitan sa Brgy. Tejero sa dakbayan sa Sugbo ug kasamtangang konsehal sa maong barangay Jessielou Cadungog sa dihang gi-ambush kini pasado alas 8:00 kaganihang buntag sa Villagonzalo 2 Brgy. Tejero.
Apan napatay sa maong ambush ang gunman nga giila nga si PO3 Eugene Calumba, sakop sa Station 1 sa Cebu City Police Office, DEU Unit.

Samtang gikustodiya karon sa mga otoridad ang driver sa motorsiklo nga gisakyan ni Calumba nga si Michael Banua, taga Zamboangita Negros Oriental.
Nakaluwas hinoon si Cadungog tungod kay nakanaug kini sa sakyanan ug nihapit sa barangay hall sa dihang gi-ambush ang iyang sakyanan nga gimaneho atong tungara sa iyang driver aron magpa –gasolina sa unahan nga gas station.

Apan sa dihang nakanaug na si Cadungog ,nakita pa niya ang pagrakrak sa mga suspek sa iyang sakyanan, hinungdan nga nakapusil usab ang bodyguard ni Cadungog nga nakakita usab ang mga suspetsado hinungdan nga napatay si PO3 Calumba.
Matud ni Police Regional Office-7 Chief General Debold Senas, nga ang kampo ni Cadungog ang unang namusil sa napatay nga pulis nga matud pa niya, nihimo og surveillance batuk kang Cadungog.
Sa pressconference ni Cadungog giangkon niini nga nakadawat siya og hulga nag siya patyon hinungdan nga magbantay-bantay.
Si Cadungog sa pagkutlo ning balita,nidangop na sa National Bureau of INvestigation kon NBI-7 .
Si Cadungog nagsilbi usab nga Board of Director sa National Executive Board sa Associated Labor Unions Trade Union Congress of the Philippines (ALU-TUCP)


Facebook Comments