Pagadian City – Patay ang kanhi barangay chairman sa lungsod sa Dumingag, Zamboanga del Sur , human gipusil sa syudad sa Pagadian ala 1:30 karung hapon.
Nagkulob atubangan mismo sa main entrance sa Pagadian City Gym sa Gov. Madarang Vicente Cerilles St., Brgy. San Francisco ang biktimang si Edgar Paculaba, 67 anyos kanhi kapitan sa Lipawan, Dumingag.
Base sa imbestigasyon, nitambong og seminar sa Philippine Coconut Authority si Paculaba og samtang nagbaklay kini wala na makalikay dihang gidul-it pagpusil sa gunman.
Walay CCTV sa lugar rason nga lisud ilhon ang suspek kay dali usab kining niikyas human sa krimen.
Blangko pagihapon ang kapulisan sa posible nga motibo sa maong pagpamusil.
Si Paculaba naglaraw usab nga mobalik sa pagdagan karung sunod eleksyon sa barangay.
