Davao City – Sikop ang usa ka kanhi barangay kapitan human nga gisilbi ang search warrant sa kapulisan uban ang Philippine Drug Enforcement Agency (PDEA-XI) ngadto sa dinakpan alas 6:45 sa buntag kagahapong adlawa sa Purok Magsaysay, Brgy Mabunga, Bansalan, Davao del Sur.
Sa report gikan sa Bansalan Police Station, giila ang dinakpan nga si Allan Utida, giingong kanhi brgy. kapitan sa nasangpit nga brgy. tungod sa iligal nga droga.
Narekober sa mga otoridad gikan sa arestadong kanhi kapitan ang tulo ka dagkong sachet ug upat ka gagmay nga sachet sa gituohang shabu nga mubalor sa 300,000 pesos lakip ang shabu paraphernalias.
Balhug na sa prisuhan ang dinakpan ug giandam na ang kasong adunay kalapasan sa Republic Act 9165 kun Comprehensive Dangerous Drugs act of 2002.
RadyoMaN Renz Barbarona
