Kanhi Konsehal Elipe, gitambagan nga ipalinya sa city hall

179

Gitambagan ni Misamis Oriental Governor Bambi Emano si kanhi Cagayan de Oro City Councilor President Elipe nga ipalinya sa city hall.

 

Kini aron matud pa makakat-on sa sayon nga paagi pagkuha sa Temporary Restraining Order o TRO alang sa giatubang nga kaso sa Sandiganbayan.


 

Gipaabot ni Governor Emano ang maong mensahe human gikuhaan og reaksyon bahin sa kaso ni Elipe.

 

Matud sa gobernador nga naila ang kanhi mayor sa Cagayan de Oro sa abilidad nga kanunay maluwas sa TRO sa iyang kapin 40 ka kasong kriminal ug administratibo human mangawkaw sa kwarta sa kaban sa katawhan sa Misamis Oriental niadtong gobernador pa kini.

Napamatud-an sa buhatan sa Ombudsman nga nakasala sa maong mga kaso ang kanhi mayor niadto lamang milabay nga mga bulan.

 

Apan pinaagi sa TRO nga sayon lamang kaayo nila makuha gikan sa Court of Appeals maoy hinungdan kanunay kini maluwas gikan sa pagkabalhog sa bilanggoan.

Gidugang ni Goveror Emano nga sa pagkakaron, ang maong mga kaso naduso na sa Ombudsman ngadto sa Sandiganbayan kung diin naka-piyansa pa ang kanhi mayor ug iyang mga kaubang gikasuhan usab sa susama nga sumbong pagpangawkaw.




Facebook Comments