Kanhi Mayor Gaye Yapha gihulga?

231

Nagpatabang ngadto sa kapolisan ang kanhi mayor sa Pinamungajan nga si Geraldine Yapha human giingong nakadawat kini ug hulga sa kinabuhi.

Si Yapha nitaho nga gibutangan ug papel nga dunay gisukip nga duha ka bala ang luyo sa iyang pick-up nga sakyanan nga giparada sa gawas nga bahin sa iyang pinuy-anan sa Barangay Labangon ning syudad.

Gipabasa ni Yapha ang papel nga dunay suwat nga : “W-draw or die ” nga nagpasabot ug “withdraw” ug ingon man “2 bullets. One for you , one for driver”

Giseryoso ni Yapha wa ang maong huklga ug wa na kini maglangan sa pagtaho niini ngadto sa kapolisan .
Magpapili si Yapha sa pagkakongresista sa ikatulong distrito sa lalawigan sa Sugbu karong eleksiyon diin ikaatbang niini si Kanhi Presidente Pablo John Garcia ug si Toledo City Mayor John Henry Osmeña.
Wa isalikway ni Yapha ang posibilidad nga may kalabutan sa poltika ang nadawat niini nga hulga .

Facebook Comments