photo by RadyoMaN Divina Suson
Nagkita,naghangop, ug nahimong higala ug magkauban na karon ang usa ka inilang mayor sa Lanao del Norte ug kumander sa Moro Islamic Liberation Front-Bangsamoro Islamic Armed Forces.
Kini kay buot nilang Maigo Mayor Rafael Rizalda ug Abdullah Macapaar, alias Commander Bravo, nga palig-onon ang susama nilang baroganan nga pagpabor sa hangyo sa mga Muslim ug sa MILF sa lalawigan nga tugotang magpasakop sa Bangsamoro government ang unom ka mga lungsod niini.
Sa umaabot nga Pebrero 6, mobotar ug YES or NO ang mga rehistradong botante sa Lanao del Norte kung motugot pa sila niini. (Divina M. Suson)
Sa ilang panagkita niadtong miaging adlaw, hingpit nang gikalimtan nila ni Rizalda ug Bravo ang mga samad nga naangkon dihang mahitabo ang giyera niadtong 2001.
Gipangunahan ni Bravo ang pag atake kaniadto sa lungsod ni Rizalda nga maoy hinungdan sa giyera sa duha ka grupo rason sa ilang panagbingkil.
