Davao City- Wala na makaantos pa sa pagtago-tago sa kabukiran ang tulo ka mga sakop sa Guerilla Front 71 New People’s Army rason nga ilang gitahan ang ilang mga kaugalingon sa militar didto to 73rd IB sa Barangay Pag-Asa, Alabel, Sarangani, Province.
Ang tulo ka mga kanhi rebelde giila nga sila Arnold Sawal Budiong, 24 yrs old, residente sa Purok 8A Brgy, Poblacion, Alabel, SP, Runjie Termosa Lagon, 39 yrs old, residente sa Ulutangga Island, Zamboanga Sibugay ug Eddie Maranga Ani, 25 yrs old ug taga-Sitio Kidalagan, Brgy. Datu Danwata, Malita, Davao Occidental dala ang ilahang mga M16 rifles ug usa ka AK47.
Matud ni Lagon wala gihapon nila madawat gikan sa mga NPA ang gipasalig nga suportang pinansyal para sa ilahang pamilya pinaagi sa Suporta Para sa Pamilya kun SUPAMIL.
Samtang si Ani gipul-an na sa kalisod nga kahimtang sa kabukiran ug way undang ang ilang pagtago atol sa mahitabong operasyon sa armadong kusog.
Gibatbat ni 73rd IB Commander Marion Ancao pinaagi sa mga gihimong lig-on nga security operations ug hugot nga koordinasyon sa mga Barangay officials makab-ot gayod ang gitinguhang kalinaw sa komunidad.
Ang tulo ka mga kanhi rebelde modawat og livelihood ug financial nga ayuda gikan sa gobyerno pinaagi sa Comprehensive Local Integration Program kun CLIP.
Sa pikas bahin dako ang pagtoo ni 10th Infantry Division PH Commander Major General Noel Clement nga mas daghan pang mga sakop sa teroristang NPA ang mobalik sa sabakan sa gobyerno apan kung magpabilin gihapon silang matinud-anong teroristang ideolohiya himuon sa militar ang tanan aron mapildi sila.
RadyoMaN Aimee Guinita
