Dali nga gidala sa balay tambalanan ang usa ka biktima sa pagpamusil didto sa Brgy. San Nicolas, lungsod sa Sirawai ning atong probinsya sa Zamboanga del norte, niadtong nakalabayng gabie.
Sa inisyal nga imbistigasyon sa kapulisan naila ang biktima nga si Mudja Bacala Mandi, 30 anyos, ulitawo, ug usa ka tigbaligya ug isda kanhi usab OFW sa Brunie Darussalam.
Matod pa gipusil kini sa makadaghan nga higayon saw ala mailang suspetsado atubangan mismo sa iyang panimalay.
Angt biktima naka angkon ug samad pinusilan sa iyang walang bahin sa iyang dughan, sa tiyan ug too nga abaga.
Nakuha sa lugar nahitaboan ang 3 ka basyo sa buhing bala sa kalibre .45 nga maoy gigamit sa mga suspetsado.
Ang kapulisan sa Sirawai padayon pa ang ilang pagpangita ug pagkugod sa mga suspek aron mapahamtangan kini tukmang kaso.
