Davao City – Arestado ang kanhi Philippine Drug Enforcement Agency kun PDEA agent atol sa gikasa nga joint buy-bust operation sa Provincial Drug Enforcement Unit (PDEU) ,Provincial Intelligence Branch sa Davao del Sur Police ug Digos City Police kaganinang alas 7:30 sa buntag sa Purok Yakal, Mabini 2nd., Brgy. Zone 3, Digos City.
Giila sa Digos City Police Office ang dinakpan nga si Christian Pardillo Depalubos, alias Chris, 38 anyos, minyo, driver/mango sprayer ug residente sa Brgy. Colorado, Digos City.
Sumala ni Lt. col Ernesto Castillo, Digos City PNP chief, daghan na sila og nadawat nga report bahin sa nahisgutan busa gikasa nila ang operasyon ug nakuha gikan sa dinakpan ang (7) pcs. sa gituohang “shabu” ug uban pang gamit niini lakip ang ID niini sa PDEA kaniadto diin nasayran nga 2014 pa mihawa ang dinakpan sa maong ahensya.
Sa karon balhug na sa prisuhan ang dinakpan ug mag atubang og kasong dunay kalapasan sa Section 5 ug 11 sa R.A. 9165 kun Comprehensive Dangerous Drugs Act of 2002.
RadyoMaN Renz Barbarona
