Davao City – Balik prisuhan ang usa ka drug suspect nga subling nadakpan sa pagpamaligya’g shabu.
Giila sa Philippine Drug Enforcement Agency XI ang suspek nga si Adrian Christopher Bueza, 33 anyos nga gikonsiderang No. 6 Provincial Target List sa Davao del Sur.
Sa gilusad nga drug buy bust operation sa PDEA XI sa Purok Rosal, Barangay Bangkal, Matanao, Davao del Sur, positibo kining napalitan og nagkantidad sa P10,000 shabu ug nasakmit usab sa posisyon sa suspek ang P30,000 nga droga.
Matud sa PDEA XI, kanhi na nga nasikop si Bueza niadtong Abril 2014 tungod sa droga ug ni-avail kini sa plea bargaining ug na-release kini niadtong Setyembre 2018 apan nibalik kini sa pagpamaligya og droga.
Kasong paglapas sa RA 9165 ang atubangon sa dinakpan.
RadyoMaN Aimee Guinita
