Arestado ang usa ka kanhi Radio Reporter nga wanted sa kasong rape ug sexual assault.
Kini dihang gikasa kagahapon ang operasyon sa mga personahe sa San Jose Municipal Police Station kauban ang Criminal Investigation and Detection Group ug Dinagat Special Operating Unit didto sa Guabano Road, Brgy. Calumpang, Tayabas City, Quezon Province.
Sa report sa PRO-13, giila ang nasikop na si Charlito Ybañes, kanhi Radio reporter sa DXDI FM sa Dinagat Province ug tubong Basilisa, Dinagat Island.
Ang pag-aresto pinasikad sa warrant of arrest nga giisyu ni Hon. Dan Calderon, Acting Presiding Judge sa 10th Judicial Region, RTC, Branch 32, Surigao City.
Walay girekomendang pyansa sa kasong rape samtang 200 thousand pesos ang girekomenda nga pyansa sa kasong sexual assault.
