Kagahapong adlawa nahidangat si kanhi senador Bongbong Marcos sa dakbayan sa Dapitan partikular sa may Dakak alang sa pagpahigayon ug presscon may kalabot kun unsay iyang plano o mamahimong reaksyon sa nagpadayon nga election protest batok kang Vice President Leni Robredo.
Uban ni Bongbong Marcos sila si 2nd District Cong. Henry Qaminal, Marcos Loyalist Movement president Joemar Unabia, mitambong usab si Romeo Nonong Jalosjos ug si Dapitan city mayor Rosalina Jalosjos.
Lakip ang mga mayor nga nag gikan sa misamis occidental ug ang pipila ka mayor dinhi sa Zamoanga del norte.
Matod pa ni Bongbong Marcos nga nagapadayon pa gihapon ang election protest bisan paman nga adunay pipila ka indibidwal ang mo babag niini ug nag laom siya nga magmadaogon gayud siya ilabi na kung mailisan ang kasamtangang Supreme court associate Justice Benjamin Caguioa nga mao karon ang kasamtangang naghawid sa election protest ni Bongbong Marcos.
Kahinumduman nga gusto ni Marcos nga mag inhibit kini si Caguioa sa election protest ni Marcos batok kang Lene Robredo tungod kay dili ikalimod matod pa nga bias kini ilabi na nga amigo niini si kanhi Pangulong Ninoy Aquino nga kapartido usab ni Vice President Robredo.
Kini si Benjamin Caguioa, gibutang ni Aquino isip Chief Presidential Legal Counsel, Justice Secretary ug justice sa Korte Suprema.
Si Caguioa ang justice-in-charge sa election protest ni Marcos nga tanggong pa karon sa Presidential Electoral Tribunal (PET).
Gipaniguro usab ni Marcos nga sa dili mahuman kini nga tuig mo gawas na desisyon kun si kinsa gayud ang tinuod nga gipili sa katawhan sa miaging election 2016.
Suportado usab ni Romeo Nonong Jalosjos si Bongbong Marcos sa karera niini sa pulitika.
