Kanhi Senador Pimentel, gikonsiderang tingog sa marginalized alang sa taga Lanao del Sur; Bayani alang sa mga Iliganon

29

Tingog alang sa mga marginalized ug mga dinaugdaug si kanhi Senate President Aquilino “Nene” Pimentel.
  Kini ang paghulagway ni Zia Alonto Adiong, usa sa mga miyembro sa Bangsamoro Transition Authority alang sa Lanao del Sur sa kanhi senador, kinsa namatay niadtong nakalabay’ng adlaw human ang pipila ka adlaw nga nasulod kini sa tambalanan.  

Matud pa ni Adiong sa iyang opisyal nga pamahayag nga gipadala ngadto sa mga sakop sa media kagahapon, si Pimentel nahimong tingog sa katawhan sa pagpangita og hustisya sugod pa niadtong tuig 1971 dihang gihimo ang constitutional convention.  


Kung dili pa tungod kaniya, matud pa ni Adiong, dili mabalik ang demokrasya sa nasud sa Pilipinas nga una nang gihulga nga mawagtang tungod sa diktadoryang Marcos, diin nahimong biktima ang kanhi senador.  

Alang usab kang Iligan City Lone District Congressman Frederick Siao, usa ka bayani sa mga taga Mindanao si Pimentel, ug wala nay susama kaniya nga isog ug passionate alang sa mga taga-Mindanao.
  Si Pimentel ang author sa Local Government Code hinungdan nga naa karon ang mga konseho sa barangay ug nag-advocate sa pederalismo.  

Alang usab kang Arnold Garbanzos, usa ka Iliganon nga nag-advocate sa pederal nga klase sa pang-gobyerno, ang kamatayon ni Pimentel mamahimong inspirasyon aron ipadayon ang tinguha nga mamahimong pederal ang Pilipinas.

  Angayan, matud pa, nga magpadayon ang matag Filipino aron makab-ot ang tinud-anay nga demokrasyang nasud.

Facebook Comments

From Advertisers