Giingong nagbaligya og mga armas ang maong kanhi sundalo nga giilang si Greg Habagat Bacus, 49 anyos, kanhi sakop sa Philippine Army, minyo ug nagpuyo sa Brgy. Astorga, Sta.Cruz, Davao Del Sur ug driver nga si Amanto Ali, nagpuyo sa Buluan, Maguindanao ngadto sa pulis nga nagsilbing poseur buyer.
Giingong human gidawat sa mga suspetado ang mark money gilayon gidakop si Bacus ug Ali, diin nakuha gikan kanila ang duha ka M-14 ug duha ka 9mm pistol ug mga bala niini, mga cellphone nga gigamit sa ilegal nga transaksiyon, SUV, ug mark money.
Gikanayon sa Hepe nga si Police Major Antonio Luy, ang pagkadakop sa duha ka mga suspect ug pagkakumpiska sa mga loose firearms, subay kini sa gipakusgang Oplan Paglalansag Omega sa CIDG Davao City.
Ang mga dinakpan pasakaan og kaso tungod sa kalapasan sa Republic Act 10591 ug Batas Pambansa Bilang 881 (Omnibus Election Code) pinaagi sa inquest proceeding.
RadyoMaN Joel Viray
