General Santos City–Gikasuhan na sa Fatima Police Station ang usa ka kanhing Purok chairman sa may Barangay Fatima nga itago lang sa pangalang Antonio, 63 anyos ug residente sa samang Barangay kansa giakusahang nangmolestya ug 12 anyos na dalagita.
Sumala ni Police Captain Heilbronn Okoren Hepe sa Fatima Police Station nga una nang nagpahayag ang pamilya sa biktima nga ilang kasuhan ang suspek maong ila dayon nga gihikay ang pagpasang-at ug kaso.
Base sa sumbong sa pamilya sa biktima ngadto sa kapulisan mga bandang ala 1:00 sa hapon una nang naaktuhan matud pa sa kabanay sa 12 anyos nga batang babaye nga gimulisya sa maong tigulang ang biktima hinungdan nangayo sila ug tabang sa kapolisan .
Samtang sa gihimong pakighinabi sa RMN news team kang Barangay Fatima Kapitan Rey Curit gibutyag niini nga iyang gikakurat ang report bahin sa aligasyon ngadto sa kanhing Purok Chairman.
Subay sa record sa nasampit nahimo usab nga maayo ang pagpadagan niini sa iyang purok dihang siya pa ang chairman, wala kini pildi-pildi sa ilang purok, napildi lang kini dihang midagan na kini isip Barangay Kagawad. Apan gikumperma ni kapitan Curit nga kanhi na matud pang misulay sa paghikog si Alias Antonio, gumikan na stress kini sa pagka opisyal niini sa patubigan apan naabtan kini sa iyang mga kabanay hinungdan kini natabang.
Dugang pa ni kapitan Curit nga sa ulahing impormasyon nga iyang nakuha nahimo matud pa kining trabahante sa LGU Gensan isip job order asa kanhi usab kining lupon taga pamayapa sa iyang barangay .
Gihingusgan usab sa suspek nga si Alias Antonio nga walay kamatuoran nga iyang gimolestya ang biktima.
Sumala niini nga giadtong higayuna, gi- atake matud pa siya sa iyang ubo hinungdan nagpatabang kini sa biktima pinaagi sa paghilot sa iyang likod nga bahin.gani apil ang igsuong lalaki sa biktima ang iyang gihangyonga hiluton ang iyang likod tungod grabe ang atake sa iyang ubo.
Natingala nalang siya nga gialigaran kining nang molestya sa 12 anyos nga biktima.
