General Santos City— Dakpan sa gipahigayong buybust operation sa police station 3 ang kanhing drug surrenderee alas 5 pasado ang takna sa kadlawon sa Pioneer Village, Brgy. Lagao ning dakbayan.
Giila ni Police Chief Inspector Peter Pinalagan Jr., hepe sa police station 3 ang suspk nga si Isagani Indab, 35 anyos laborr nga residente sa samang lugar.
Nakuha gikan sa iyahang posisyon ang usa ka sachet sa gituuhang shabu ug marked money kantidad 500 ka pesos.
Dugang pamahayag ni PCI Pinalgan nga wala sa ilahang watchlist o target list ang nahsigautan.
Apan gumikan kanhi kining misurender ilahang gimonitor ang mga lihok niini ug nasayran nga mibalik sa pagpamaligya ug illegal nga droga rason nga gipahigayunan ug operasyon.
Sa kasamtangan ang suspek ang anaa na sa kustudiya sa Lagao Police Station ug ginahikay na ang kasong pagsupak sa sec. 5 ug 11 sa R.A 9165 batok kaniya.
