Davao City – Nagkahiusa karon ang Technical Education and Skills Development Authority (TESDA) XI ug ang buhatan ni 2nd District Representative Omar Duterte aron mahatagan og pagbansay sa skills ang mga kanhi rebelde.
Sa pahayag sa TESDA XI, gibutyag nga gipahigayon ang miting ug assessment aron matino ang gikinahanglang training alang sa mga kanhi rebelde nga nagpuyo sa Kalinaw Village – Halfway House, Brgy. Mahayag, Tibungco, Davao City.
Gipasabot nga ang maong kalihokan importante aron mahatagan sila og saktong livelihood opportunities ug praktikal nga skills nga magamit sa ilang pagbalik sa komunidad.
Dugang pa, gitinguha usab nga sila mahimong mabutang sa usa ka malinawon nga palibot samtang gisuportahan sa 2nd District Community Training and Employment Coordination ang ilang pagkab-ot sa hapsay nga panginabuhian.
RadyoMaN Bien Abanos
Facebook Comments
