Kanhing miyembro sa Anakbayan nga misulod sa grupong NPA nitahan sa lungsod Tigbao

6

Zamboanga del Sur- Nibalik pakigsandurot sa publiko ang kanhing sakop sa Anakbayan ug miyembro sa komusnistang New People’s Army kun NPA human kining nitahan ngadto sa Municipal Task Force to End Local Communist Armed Conflict (MTF-ELCAC) sa lungsod sa Tigbao ning probinsya sa Zamboanga del Sur.
Giila ang nitahan nga si alias “KINS” 40-anyos, lumulupyo sa syudad sa Dipolog ug sakop sa Main Regional Guerilla Unit (MRGU) of the Western Mindanao Regional Party Committee (WMRPC). Dala ni alias “KINS”, sa iyang pagtahan ngadto kang Tigbao Mayor Eleazar Carcallas ang usa ka unit sa M14 rifle kun asa naagda kini pagtahan pinaagi sa hiniusang pagpaningkamot sa 53rd Infantry Battalion ug Tigbao Municipal Police Station.
Sumala ni Carcallas, ang pagtahan ni alias KINS timaan nga ang komunidad nikooperar na alang sa lintunganay nga kalinaw. Si Alias KINS na recruit ug unang nadani sa grupo nga Anakbayan isip miyembro sa Kabataang Makabayan og misulod sa armadong grupo niadtong Agosto 2010. Sumala sa sumbong sa nisurrender aduna nalay lima ka sakop ang 5 NPA ilalom sa MRGU.
Sumala ni 53rd IB Commanding Officer Lt. Col. Jo-ar Herrera, ang pag-surrender ni alias KINS timaan sa dili malubag mga kamatuoran nga ang Communista ug Terrorista nga grupo diin naglihok sa probinsya paingon na sa pagkahugno. Ang ba-ong nitahan kasamtangan na karong gipailalom sa custodial debriefing sa Camp Abelon ning syudad sa Pagadian.

Facebook Comments