[image: 48418743_2144573502273414_8396398177321746432_n.jpg]
Pabiling nagpaalim sa government hospital sa siyudad ang lalaking niambak sa tulay tungod nakaangkon og bali sa iyang spinal cord.
Giila ang nahisgutan sa pangalang Efren Cariño 56 anyos nga taga Labangal ning dakbayan.
Gidala ang nasampit sa tambalanan human nga miambak sa tulay sa Diversion Road, Tambler niaging adlas.
Nasayran nga gumikan sa kahabog sa giambakan nga tulay ni Cariño naugsok kini sa batohan nga bahin og nabali ang spinal cord hinungdan nga nagping-it sa kasakit og halos dili na makalihok.
Gawas pa sa pag-angkon niini ug mga samad ug bun-og sa lawas.
Base sa gihimong imbestigasyon sa kapulisan nga nakainum ang nahisgutang tawo ug buot maghikog pinaagi sa pag-ambak sa tulay.
Nasuta usab nga sa miaging adlaw nakulatahan ug nadala usab sa maong hospital ang nahisgutan samtang sakay kini sa usa ka motorsiklo kalit kining giatangan ug gikulata sa mga suspek.
