General Santos City—sikop ang duha ka mga suspetsadong lambigit sa iligal nga druga sa gihimong drug operation sa City Drug Enforcement Unit sa may Prk. 2, Barangay Katangawan, Gensan.
Alas 6:00 ang takna sa gabie niadtong Hwebes, March 30, 2017 dihang nasikop si Jack Uy, legal age, residenti sa Balite St., Barangay Lagao, kanhing preso tungod sa iligal nga druga.
Napalitan ug (1) ka sachet sa gituohang shabu ang suspek sa usa ka miyembro sa CDEU nga nagpakarong-ingnong poseur buyer. Nakuhaan usab kini ug lain pang (3) ka sachet sa gituohang shabu ug marked money kantidadug P1,000.00.
Sikop usab ang usa ka Salvador Mitran, legal age, residenti sa Caserez Subd., Barangay San isidro, Gensan.
Nakuha sa posisyon sa nahisgutan ang (2) ka sachet sa gituohang shabu. Samtang nakasibat usab ang laing usa nila ka kaubanan human nakabantay gilayon sa presensya sa CDEU.
Sa kinatibuk-an mukabat sa P200,000.00 nga kantidad sa iligal nga druga ang narekober sa kapulisan gikan sa mga suspek.
Gibutyag ni Police sr. Inspector Oliver Pauya, Hepe sa CDEU nga kanhi na nilang nadakpan ang suspek niadtong bulan sa disyembre gumikan sa iligal nga druga. Si Jack Uy ang notado nang pusher sa dakbayan sa Gensan gani anaa usab kini sa watchlist sa pipila ka presento sa kapulisan dinhi sa dakbayan.
