General Santos City—nagpadayon ang gihimong imbistigasyon sa kapulisan nga sakop sa Police Station 1, kalabutan sa pagpamusil patay sa kanhing piniriso nga taga Silway, San Juan, Brgy Dadiangas West, ning syudad.
Nasayran nga patay ang biktimang si Danilo Dante Alyas Intsik, 42-anyos, residenti sa nasampit nga lugar human kining gipusil patay sa duha ka mga suspetsadong nakamotorsiklo kagabie.
Sumala ni Police Chief Inspector Nestor Maderse, hepe sa Police Station 1, si Dante kanhing Preso ug bag-ohay lang nakagawas sa Gensan City Reformatory Center. ang nahisgutan adunay kasong pagpangawat.
Sumala sa mga silingan sa biktima nga notado nang kawatan sa ilang lugar ang biktimang si Danilo Dante.
Tungod niini usa sa mga anggulong ilang gitutukan mao ang kanhing kaso niini. apan wala usab nila ginabaliwala ang uban pang anggulo nga posibling hinungdan sa pagpatay. Sa karon naghimo pag makuting imbistigasyon ang kapulisan kalabutan sa insidenti.
