Kanhing priso nga may kasong pagpangarnap napalgang patay

43

Pagadian City – Gipailalom na sa post mortem examination ang lawas sa usa ka lalaki nga naplagang patay alas 8:20 kagahapon sa buntag dihang dapita sa Purok Mahigalaon Bersales Heights, Brgy. Bulatoc ning syudad.
Giila sa mga residente sa lugar ang biktima nga si Roland de Belen Santiago, a.k.a Boknoy, lumulupyo sa Purok Upper Lumboy, Brgy. Tuburan, Pagadian City.
Nasayran usab base sa imbetigasyon sa Pagadian City Police Station nga ang biktima kanhing preso sa san Ramon penal Colony sa Zamboanga City ug dunay car-napping sa Regional Trial Court Branch 21 ning dakbayan.
Ang namatay nga biktima gitoohan nga gilabay lang sa maong dapit nga dunay samad ug bun-og sa ulo ug lama sa kinulatahan ug gibunalan sa gahi nga butang nga miresulta sa iyang kamatayon.
Ang patay nga lawas sa biktima anaa na sa usa ka funeral homes sa syudad samtang naglusad usab og makuti nga imbetigasyon ang otoridad aron masayran ang hinungdan ug mailhan ang responsable sa paghunos sa kinabuhi sa biktima.

Facebook Comments

From Advertisers