Dipolog City – Sikop ang gikaigong kanhing SCAA member atol sa gipahigayong COMELEC Checkpoint sa kapolisan adtong miaging adlaw sa may national highway Barangay Sicayab ning dakbayan sa Dipolog.
Ang dinakpan giila sa kapolisan nga si Visandre Pactol Fiñeza, 45 anyos, minyo og lumulupyo sa Barangay Olingan, Dipolog City.
Sigun pa ni Police Lieutenant Jose Renault Tan, team leader sa Zamboanga del Norte Provincial Mobile Force Company, ang suspek ilang nasita sa COMELEC Checkpoint nga nagmaniho sa motorsiklo bajaj kolor itom og nasuta nga dunay gidala-dalang usa ka Calibre .38 revolver, dunay 24 ka buhing bala og laing 8 ka buhing bala sa kalibre .45 nga pistola.
Gikaigong pakyas nakapakita sa exemption order gikan sa COMELEC base sa COMELEC Resolution 10496 ang nasangpit hinondan kini gisikop.
Lakip nakuha sa kapolisan ang Expired id sa AFP niini, camouflage sling bag, camouflage lousy hat.
Ang maong dinakpan ang kasamtangan anaa karon gipriso sa Dipolog City Police Station Detention Cell alang sa tukmang disposisyon.
