BACOLOD CITY – Isa ka foreigner nga American national ang ginpa-blotter sang isa ka kalan-an sa daku nga mall sa reclamation area matapos ini nagkaon apang wala sang kwarta nga inug-bayad kagab-i.
Nakilala ang amo nga dumulu-ong nga si Kendreck Harold, 32 anyos ang edad, single kag naghalin sa California, USA.
Suno sa representative sang amo nga kalan-an nga may mg alas 8 kagab-i, ang amo nga “Kano” ang nagkaon didto kag naglab-ot sa kapin P1,315 pesos ang iya nga bill.
Apang ini ang ginsukot na, wala gali ini sang kwarta nga inugbayad rason ini ang ginpa-blotter sa Police Station 1.
Matapos ginpapulisan, ginpatawad man sang amo nga kalan-an si Harold kag gilayon man ini nga gin-release./dyHB BACOLOD
Facebook Comments
