Ginpalawig pa ni Mayor Jerry Trenas tubtub sa Abril 14, 2020 ang kanselasyon sang klase sa tanan nga level sa siyudad sang Iloilo.
Ini agud masiguro nga magpabilin lang sa ila balay ang mga estudyante kag mahilway sa paglapta sang virus.
Ini ang pinakaulihi nga pahayag sang alkalde kadungan sang iya mandu nga nagadumili sa mga tawo gikan sa iban nga lugar sa guwa sang Panay nga magsulod pinaagi sa mga puerto sang siyudad.
Gin-athag ni Mayor Trenas nga ang mga tawo lamang gikan sa Panay kag Guimaras kag ang mga indi PUI’s kag PUM’s ang pahanugutan nga makasulod sa siyudad.
Angut sini, ginpangabay sang alkalde ang tanan nga magkooperar agud mangin madinalag-on ang pag-away sa COVID-19.
Facebook Comments
