Davao City – Dili motoo si Barangay 21-C Poblacion, Barangay Kapitan Edmundo Altiso nga mubo na lang og pasensya karon ang tawo hinungdang makahimo ug kremin.
Sumala ni Kapitan Altiso, kinahanglan gyud ug taas og pasensya ilabina sa iyaha nga Barangay Official nga maoy una usab nga kasumbongan sa bisan unsang mulo sa iyang ginsakpan.
Hinoon dunay mga mubo lang og pasensya kadtong mga nakadroga matud ni kapitan.
“Sa akong kabahin taas-taas pud ko, kay sa akong nasinatian kay kung minus tag pasensya dali ra ta madisgrasya, naa man gihapoy mubog pasensya sa among Barangay seguro malulong sa droga kanang uban ing-ana,” segun ni Altiso.
Gipasabot ni Kapitan Altiso, kinahanglan ang taas nga pasensya kay dili masulbad ang problema kung mubo lang. Giklaro usab ni Kapitan Altiso sa iyang Barangay kung dunay husayon nga away kinahanglan nga dunay pasensya aron dili mosangpot sa krimen.
RadyoMaN Bernard Pantallon
