Davao City – Dili makahatag og simpatiya sa nasud sa Pilipinas ang nahitabong kagubot didto sa Afghanistan tali sa Taliban human nakontrola o nasakop ang nasud sa Afhaganistan.
Sa interview sa DXDC RMN Davao kang Brgy. Tigatto Kapitan Lito Lapitan sa Kalagan tribe, dili mahitabo sa nasud sa Pilipinas ang maong kagubot tungod kay lahi ang konserbatibong panggobyerno sa Afghanistan itandi sa Pilipinas.
Segun ni Lapitan nga gina-respeto ang katungod sa matag usa bisan unsa nga grupo ilabi na ang pagdumala sa gobyerno ubos sa administrasyong Duterte nga maayo ang ginapakitang pagtagad sa mga sibilyan.
Gidugang ni Lapitan nga ang kapulisan og kasundalohan sa Pilipinas maayo sab ang ilang pagtratar ug wala sila nagpakita sa ilang kaugalingon nga taas ang ilang mga posisyon.
Dugang niini nga ang gobyerno sab Pilipinas naghatag og husto og matinud-anon nga serbisyo.
Samtang giingon ni Brgy.23-C Kagawad Mamerto Cadungog nga isip usaka Muslim dili matud pa magpadala sa nahitabo sa kagubot sa laing nasud ug angay mosalig sa Ginoo ug mag-ampo sa kanunay ingon man iampo ang kalinaw sa nahitabong kagubot sa laing kanasuran.
RadyoMan Don Pulayao
