Kap Llubit: Election postponement angay tun-an

22

Davao City – Aduna matud pay mga bentaha ug disbentaha sa gipaduso ni Pangulong Rodrigo Duterte sa kongreso nga pag-postpone sa 2020 Brgy. ug SK Elections.

Sa pakighinabi sa DXDC RMN Davao kang Brgy. Captain Tata Llubit sa Brgy. 9-A, tan-aw niini nga subay sa postponement sa maong eleksyon, mahatagan pa sila og igo nga panahon nga mahuman ang ilang mga mga nahanyag nga proyekto sa kabarangayan gani matud pa mas maayo og himuon ang eleksyon sa tuig 2023.


“Gani karon nag-actual mi og 14 projects nga proposal para sa barangay so happy mi nga ing-ana… Ang pagpadayon sa maong proyekto sa katawhan, dako og kasiguruan nga mahuman ug katong mga pangandoy sa ubang constituents matagamtaman nila,” saysay ni Kapitan Llubit.

Gibutyag usab niini ang mga disbentaha sa maong nahisgutan.

“Naay gamay nga disadvantage sama sakoa nga gusto na nako mupahulay kay madungagan ang trabaho kay na-extend ang termino. Di man pud ta pwede nga mu-resign so humanon gyud ang termino ug sa katong mga uban nga duna pay plano nga musulod sa pulitika nga magtanum pa daan aron pag abot sa eleksyon dali ra sila mailhan sa katawhan,” dugang sa kapitan.

Subay kini sa pamahayag sa pamuno-nasud atol sa iyang ika-ipat nga State of the Nation Address kun SONA kagahapon, July 22, 2019 nga i-postpone usa ang nasangpit nga eleksyon.

“Congress has to postpone the May 2020 elections and ‘yung (the) Barangay, Sangguniang Kabataan to October 2022,” sumala sa pamuno-nasud atol sa SONA.

RadyoMaN Renz Barbarona

Facebook Comments

From Advertisers