Davao City – Obligasyon ni Kabus Padatoon (KAPA) Community Ministry International founder Joel Apolinario ang pag-uli sa kwarta sa mga tawo nga gi-invest ngadto sa maong organisasyon.
Sa interview sa morning primetime radio social commentary program ‘Straight to the Point,’ gibutyag ni financial analyst Prof. Astro Del Castillo nga obligado si Apolinario nga mo-kooperar sa proseso alang sa paspas nga pag-uli sa kwarta kon kapital sa mga tawo nga misalig sa iyang kapunungan.
Segun ni Del Castillo, ang pagbalik sa kwarta dili puwedeng gamiton nga bugti sa pagbakwi sa syndicated estafa case tungod kay gobyerno ang naghikutar sa kaso kontra sa arestadong KAPA founder.
Responsibilidad sa kagamhanan ang pagprotehir ug pagseguro nga mabalik ang kapital sa mga na-agrabyar nga investors apan adunay hustong prosesong angay sundon sa retrieval kun recovery sa pondong gitugyan nila sa KAPA, matud ni Del Castillo.
Nanghinaut ang professor nga magsilbi na untang leksyon sa tanan nga walay shortcut sa tinguha nga maadunahan ang tawo, busa, kon mo-invest man, sigurohon una nga legal or rehistrado ang usaka kumpanya or iskema aron dili mailad sa mga kwestionableng investments sama sa KAPA ug uban pa.
RadyoMaN Joel Viray
