Roxas City, Capiz – Liwat na naman nga nabutang sa kontrobersiya ang Roxas Memorial Provincial Hospital bangud sa gina-alegar kapabayaan sang mga nurses matapos ginbawian sang kabuhi ang isa sa ila pasyente.
Suno kay Cinderella Moreno sang Arcabalo Bolo Roxas City, Pebrero 13 sang gin-confine ang 71-anyos sini nga iloy nga si Dolores Francisco bangud na-stroke kag may yara sang pneumonia kabangdanan ini ang ginpahamtang anay sa Intensive Care Unit(ICU).
Matapos nag-stable na ang kondisyon, gintransfer ini sa female ward kag diri sila nagkaproblema bangud sa indi regular nga pagpa-inom sang bulong sa iya sang mga nurse kag may tiun nga sila na lamang ang nagapainom.
Nagapati ang tagreklamo nga ginpabay-an ang ila pasyente. Sa pihak sang pagpangayo sang bulig, sila ang ginpadugay-dugayan.
Suno pa kay Cinderella Moreno, yara na sa maayo nga kondisyon ang iya iloy kag plano na gani nila nga magguha sa masunod nga mga inadlaw.
Nagapati ini nga napabay-an sang mga nurses nga buksan ang na-lock nga catheter sang iya iloy kabangdanan sang paglain sang pamatyagan sini.
Samtang natalana pa nga pagakuhaan sang pormal nga pahayag ang pamunoan sang nasambitan nga ospital.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
