Tapaz, Capiz- Ginakuwestyon subong ang implementasyon sang phase-2 sang bag-o nga Tapaz District Hospital nga nahamtang sa Brgy Switch sa nasambitan nga banwa.
Sa madumdoman, sang nakaligad nga semana nagpatigayon sang pag-inspeksyon si Governor Tony Del Rosario sa amo nga ospital.
Diri mismo nadiskubrehan ang madamo nga mga kapalpakan kaangay na gid lamang sang palyado nga drainage system, gina-anay nga mga kisame, nagasandig lamang nga pirtahan sa baylo kuntani ini ang may yara sang door knob kag ang kadulaan sang koneksyon sang tubig sa mga comfort rooms.
Suno sa hepe sang Tapaz District Hospital nga si Dr. Jean Gloria, ginapatihan nga mga substandard nga materyales nga gingamit sa konstruksyon.
Nahibaluan nga ang implementing agency sa phase-II amu ang DPWH 2nd Engineering District sa idalom sang nakaligad nga administrasyon apang ini ang ginpa-subcontract sa isa ka construction firm.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
