Davao City – Mas hapsay ug luwas nga kapaskuhan ang gibati sa pipila ka mga Davaoeños karong tuiga human sa paglugway sa balaod militar.
Kampante si Edward Latonio nga makalaroy-laroy ug makaenjoy sa ilang mga nadawat nga bonuses tungod sa hugot nga seguridad nga gipatuman sa dakbayan.
Samtang si Junaif Bulig nga taga Manila unang higayon niya kini nga magpasko sa syudad og dakong tabang nga daghan gayod nga awtoridad nga magpatrolya sa kadalanan para sa safety usab sa tanan batok sa mga dautang elemento.
Nagpabiling taas ang alerto sa Davao City Police Office tungod kay gihulagway nga labing kritikal nga panahon ang Disyembre hangtod na sa bag-ong tuig sanglit daghang mga tao ang magdasok sa mga simbahan, shopping malls, pantalan ug sa mga terminal.
Subling gipasidan-an ni DCPO Spokesperson Ma. Teresita Gaspan ang tanang katawhan nga makig-kooperar lamang sa mga himuong inspeksyon aron maseguro gayod nga magmalinawon ang atong syudad samtang ginasaulog ang adlaw sa kapaskuhan.
Karong Christmas 2017, ‘zero-casualty rate’ gihapon ang Davao City sa 16 na ka tuig diha sa mga aksidenteng kalabot sa mga pabuto tungod sa implementasyon ug monitoring sa mga tinugnayanan sa balod subay City Ordinance #060-02 o total ban sa mga firecrackers ug pyrotechnics sa dakbayan.
RadyoMaN Aimee Guinita
