Davao City – Gi-intensify sa Department of Health (DOH) ang mga lakang batok sa new COVID-19 variant nga anaa na sa pipila ka mga kanasuran.
Sa eksklusibong interbyu sa RMN Davao kang Health Undersecretary Leopoldo Vega, anaa sa 50-70% nga highly transmissible ang bag-ong variant sa virus kun paspas kining makatakod.
Busa matud niini, kung highly transmissible ang bag-ong variant angayang bantayan ang paspas nga pagsaka sa mga active cases ug ingon man ang pagtaas sa ihap sa mga ma-ospital ug critical cases.
“Ang atong bantayan ani kung highly transmissible ni basi’g mutaas ang atong active cases, kung mutaas ang atong active cases basin mutaas sad ang ma-ospital ug kritikal,” sumala niini.
Matud ni Vega kinahanglang padaghanon ang mga quarantine ug isolation facilities silbing pagpangandam inkaso’g ma-detect sa nasud ang new COVID-19 variant.
Subay niini, mamahimong dawaton sa Local Government Units ang mga Locally Stranded Individuals nga walay negative RT-PCR basta hugot kining ipailawom sa isolation o quarantine sa 14 ka diyas.
“Magbutang lang sila’g quarantine or isolation facility na dili gyod mugawas ang locally stranded individuals sa LGU ug bantayan gyod nila in 14 days kay kung makalampas na og 14 days ug wala siya niagi og sakit pasabot ana negative siya,” segun ni Vega.
RadyoMaN Aimee Guinita
