Kapikas ni anhing Kapitan Imok Rupinta na-shock sa pagpatay sa ilang abogado

Nakuratan ang kapikas sa napatay nga si Ermita Barangay Captain Felicisimo Imok Rupinta sa pagpusil ug pagpatay ni Atty. Salvador Solima .

Si Solima mao ang nagkupot sa kaso nga may kalabutan sa pagpatay ni Rupinta sa Tayud Liloan sa niaging tuig .

Ang kapikas ni Rupinta nga si Jocelyn Mendoza nitug-an nga pagkahibawo niya sa pagkamatay ni Solima , wa na siya makatug .

Gitug-an ni Mendoza nga nasultihan na siya kaniadto ni Atty. Solima nga mag-amping tungod kay siya mismo nakadawat na usab ug hulga sa kinabuhi .

Katapusan silang nagkita ni Solima niadtong niduso sila ug mosyon may labot sa kasong pagpatay ni Rupinta .

Human sa pagpatay ni Solima niangkon si Mendoza nga mahadlok na usab siya nga mogawas sa ilang pinuy-anan .