Kapin sa 1.9 Million pesos nga pundong gitagana sa City hall ug National Dairy Authority kon NDA aron ilang gastohon sa 120 ka adlaw nga Milk Feeding Program sa 14 ka barangay ning syudad sa Cagayan de Oro.
Kini basi sa Memorandum of Agreement nga gipirmahan kagahapon sa hapon tali nila Mayor Oscar Moreno ug Roy Antonio Hojas nga OIC Manager sa NDA.
Lakip sa mga barangay nga makabenepisyo sa upat ka bulan nga Milk Feeding Program ang barangay Baikingon, Pagalungan, Tuburan, Tagpangi, Pigsag-an, Mambuaya, Dansolihon, Bayanga, Taglimao, Puerto, Macasandig, Barangay 28, 26 ug 25.
Sigon sa data sa Department of Social Welfare and Development kon DSWD ang maong mga barangay ilang nakit-an nga dunay mga kabata-an nga nag-edad sa 3 ngadto sa 5 anyos ang polos malnourished.
Matud ni Mayor Moreno nga nagkurambus ang City hall ug NDA aron masulbad ang malnourished sa mga kabataan ning syudad.
